أنا لازم نشوف بحري
يدير فيا مزية ويقطعني
ولا نشوف قنصل يطبع لي
من هذا البلاد يخرجني
°°°
أنا كرهت القعدة في الحومة
لا قراية لاخدمة لا زدمة
يا خاوتي أنا نروح لروما
ثمة المعيشة عندها قيمة
°°°
يا يما نوصيك ما تبكيش
تعرفي حالتي ما تلومينيش
ياك في بلادي ما رحمونيش
أنا منهم رايح ما نوليش
°°°
في بلاد الخير الشعب جيعان
ذايق الحقرة والظلم والحرمان
يا تشد في ربي يا تولي هربان
تقطع وتهجر وأنت ندمان
°°°
الناس تتكلم بيناتها فرنسي
أنا نسمع ومكذب راسي
نتفكر أجدادي كي كانت تقاسي
النيف ما بقاش يا الحر آش تواسي
°°°
أولاد بلادي تسرق النسوان
تشرب وتزطل في كل مكان
وغرقت في بحر العصيان
ندعيك تهديهم يا رحمن
sah chi s3ib ou marache facil
ردحذفmé wallah rak mhani win rak
rabi habék ba3dék man hade el bilade khou