ناسنا في غزة محقورين

نساء وذراري جيعانين
لا ماء يروي العطشانين
لا دواء يشافي المعلولين
لا منديل يمسح دمع العينين
ناسنا في غزة محقورين
شكون ليهم ذوك المظلومين
من غير المولى رب العالمين
في حياتنا عنهم صرنا مشغولين
على كروشنا كلنا ملهوفين
مور المال والهمة كلنا جرايين
وين الصدقة والزكاة للمساكين
ناسنا في غزة محقورين
شكون ليهم ذوك المظلومين
من غير المولى رب العالمين
نساوهم العرب والمسلمين
وباعوهم الحكام الخداعين
في ذبيحتهم زادوا متعاونين
صاحبو الظُلام وعادَاو المظلومين
ناسنا في غزة محقورين
شكون ليهم ذوك المظلومين
من غير المولى رب العالمين
رياس هذا الزمان الملعونين
كي يشوفوهم يدَورُوا العينين
كي يسمعوهم يغلقوا الوذنين
اللي نصروهم حبسوهم في الزَنازين
ناسنا في غزة محقورين
شكون ليهم ذوك المظلومين
من غير المولى رب العالمين
لا سلاح لا معاونة وحدانيين
كي جاهدوا قالوا عليهم إرهابيين
واجتْمعُوا عليهم الغدَّارين
انساو باللي وكيلهم رب المغبونين